ਜਲੰਧਰ,30 ਅਕਤੂਬਰ() ਭਾਵੇਂ ਪੰਜਾਬ ਸਰਕਾਰ ਵੱਲੋਂ ਨਵੇਂ ਮੁੱਖ ਮੰਤਰੀ ਸ੍ਰ ਚਰਨਜੀਤ ਸਿੰਘ ਚੰਨੀ ਅਤੇ ਸਿੱਖਿਆ ਮੰਤਰੀ ਸ੍ਰ ਪ੍ਰਗਟ ਸਿੰਘ ਰੋਜ਼ਾਨਾ ਪੰਜਾਬ ਦੜ ਪ੍ਰਦਰਸ਼ਨਕਾਰੀਆਂ ਨੂੰ ਸੰਘਰਸ਼ ਦਾ ਰਾਹ ਛੱਡਣ ਦੀ ਅਪੀਲ ਕਰ ਰਹੇ ਹਨ। ਪਰ ਰੁਜ਼ਗਾਰ ਪ੍ਰਾਪਤੀ ਲਈ ਪਿਛਲੇ ਕਰੀਬ ਸਾਢੇ ਚਾਰ ਸਾਲ ਤੋ ਸੰਘਰਸ਼ ਕਰ ਰਹੇ ਟੈਟ ਪਾਸ ਬੇਰੁਜ਼ਗਾਰ ਬੀ ਐਡ ਅਧਿਆਪਕਾਂ ਦਾ ਸਥਾਨਕ ਬੱਸ ਸਟੈਂਡ ਵਿੱਚ 28 ਅਕਤੂਬਰ ਤੋ ਚਲਦਾ ਪੱਕਾ ਮੋਰਚਾ ਦਿਨੋ ਦਿਨ ਤਿੱਖਾ ਹੋ ਰਿਹਾ ਹੈ।
ਮੀਟਿੰਗ ਦੇ ਲਾਰੇ ਤੋ ਅੱਕੇ ਬੇਰੁਜ਼ਗਾਰਾਂ ਨੇ ਬੱਸ ਸਟੈਂਡ ਤੋ ਮਾਰਚ ਕਰਕੇ ਡਿਪਟੀ ਕਮਿਸ਼ਨਰ ਦਫ਼ਤਰ ਅੱਗੇ ਅਰਥੀ ਫੂਕ ਮੁਜਾਹਰਾ ਕਰਕੇ ਇੱਕ ਘੰਟਾ ਘਿਰਾਓ ਕੀਤਾ।
ਯੂਨੀਅਨ ਦੇ ਸੂਬਾ ਪ੍ਰਧਾਨ ਸੁਖਵਿੰਦਰ ਸਿੰਘ ਢਿੱਲਵਾਂ ਨੇ ਦੱਸਿਆ ਕਿ ਸਥਾਨਕ ਸਿੱਖਿਆ ਮੰਤਰੀ ਦੀ ਕੋਠੀ ਅੱਗੇ 28 ਅਕਤੂਬਰ ਨੂੰ ਪੁਲਿਸ ਵੱਲੋਂ ਭਿਆਨਕ ਜ਼ਬਰ ਕੀਤਾ ਗਿਆ।ਜਿੱਥੇ ਦੋ ਮਹਿਲਾ ਅਧਿਆਪਕ ਬੇਹੋਸ਼ ਹੋ ਗਈਆਂ ਸਨ।ਉਸ ਮੌਕੇ ਪ੍ਰਸ਼ਾਸ਼ਨ ਨੇ ਬੇਰੁਜ਼ਗਾਰਾਂ ਦੀ 29 ਅਕਤੂਬਰ ਲਈ ਚੰਡੀਗੜ੍ਹ ਵਿਖੇ ਮੁੱਖ ਮੰਤਰੀ ਨਾਲ ਪੈਨਲ ਮੀਟਿੰਗ ਤੈਅ ਕਰਵਾਈ ਸੀ,ਜਿਹੜੀ ਕਿ ਫੇਰ ਲਾਰਾ ਸਾਬਤ ਹੋਈ।ਓਹਨਾ ਦੱਸਿਆ ਕਿ ਪਿਛਲੇ ਸਿੱਖਿਆ ਮੰਤਰੀ ਵਾਂਗ ਸ੍ਰ ਪ੍ਰਗਟ ਸਿੰਘ ਵੀ ਬੇਰੁਜ਼ਗਾਰ ਅਧਿਆਪਕਾਂ ਪ੍ਰਤੀ ਬੇਰੁਖੀ ਧਾਰਨ ਕਰ ਰਹੇ ਹਨ।ਇਸ ਦੇ ਰੋਸ ਵਜੋ ਬੇਰੁਜ਼ਗਾਰਾਂ ਨੇ ਡਿਪਟੀ ਕਮਿਸ਼ਨਰ ਦਫ਼ਤਰ ਤੱਕ ਰੋਸ ਮਾਰਚ ਕਰਕੇ ਅਰਥੀ ਫੂਕ ਕੇ ਪਿੱਟ ਸਿਆਪਾ ਕੀਤਾ।
ਓਹਨਾ ਦੱਸਿਆ ਕਿ ਦੂਜੇ ਦਿਨ ਫੇਰ ਪੰਜ ਬੇਰੁਜ਼ਗਾਰਾਂ ਨੇ ਭੁੱਖ ਹੜਤਾਲ ਕੀਤੀ।
ਉਧਰ ਟੈਂਕੀ ਉੱਪਰ ਮੁਨੀਸ਼ ਫਾਜਲਿਕਾ ਅਤੇ ਜਸਵੰਤ ਸਿੰਘ ਘੁਬਾਇਆ ਜਿਉ ਦੀ ਤਿਉਂ ਡਟੇ ਹੋਏ ਸਨ।
ਬੇਰੁਜ਼ਗਾਰ ਆਗੂਆਂ ਅਮਨ ਸੇਖਾ,ਸੰਦੀਪ ਗਿੱਲ,ਬਲਰਾਜ ਫਰੀਦਕੋਟ,ਗੁਰਪ੍ਰੀਤ ਸਿੰਘ ਬਠਿੰਡਾ,ਰਸ਼ਪਾਲ ਸਿੰਘ ਜਲਾਲਾਬਾਦ,ਲਖਵਿੰਦਰ ਮੁਕਤਸਰ ਆਦਿ ਨੇ ਕਿਹਾ ਕਿ ਬੇਰੁਜ਼ਗਾਰਾਂ ਦੀ ਮੰਗ ਹੈ ਕਿ ਸਮਾਜਿਕ ਸਿੱਖਿਆ,ਹਿੰਦੀ ਅਤੇ ਪੰਜਾਬੀ ਦੀਆਂ 9000 ਅਸਾਮੀਆਂ ਸਮੇਤ ਕੁਲ 18000 ਅਸਾਮੀਆਂ ਦੀ ਭਰਤੀ ਦੀ ਮੰਗ ਕਰਦੇ ਆ ਰਹੇ ਹਨ।
ਬੇਰੁਜ਼ਗਾਰਾਂ ਨੇ ਦੱਸਿਆ ਕਿ ਅਸਾਮੀਆਂ ਦੇ ਇਸ਼ਤਿਹਾਰ ਜਾਰੀ ਹੋਣ ਤੱਕ ਪੱਕਾ ਮੋਰਚਾ ਜਾਰੀ ਰਹੇਗਾ।
ਬੇਰੁਜ਼ਗਾਰਾਂ ਨੇ ਚਿਤਾਵਨੀ ਦਿੱਤੀ ਅਮਨਦੀਪ ਕੌਰ ਬਠਿੰਡਾ,ਹਰਪ੍ਰੀਤ ਸਿੰਘ ਫਿਰੋਜ਼ਪੁਰ,ਦੀਪਕਾ ਰਾਣੀ ਪਟਿਆਲਾ,ਮਲਕ ਪ੍ਰੀਤ ਅਤੇ ਤਾਹਿਰਾ ਮਾਲੇਰਕੋਟਲਾ,ਅਮਨਜੀਤ ਅਤੇ ਦਵਿੰਦਰ ਰੋਪੜ,ਹਰਜਿੰਦਰ ਕੌਰ ਹੁਸ਼ਿਆਰ ਪੁਰ,ਜਸਵਿੰਦਰ ਸ਼ੇਰਪੁਰ,ਮਨਦੀਪ ਰੱਤੂ ਜਲੰਧਰ,ਨਰਿੰਦਰ ਨਿਆਮਤਾਂ,ਅਸ਼ਵਨੀ ਬਹਿਰਾਮ ਪੁਰ ਦੋਵੇਂ ਗੁਰਦਾਪੁਰ,ਨਿਤਿਨ ਸ਼ੈਣੀ ਪਠਾਨਕੋਟ,ਨੀਤਿਕਾ ਕਪੂਰਥਲਾ,ਕਿਰਨ ਈਸ਼ਦਾ,ਅੰਗਰੇਜ ਸਿੰਘ,ਰਾਜਬੀਰ ਕੌਰ ਆਦਿ ਹਾਜ਼ਰ ਸਨ।