ਵਾਸ਼ਿੰਗਟਨ, ਰਾਇਟਰ : ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਮੰਗਲਵਾਰ ਨੂੰ ਮੰਗ ਪੱਤਰ ‘ਤੇ ਦਸਤਖ਼ਤ ਕੀਤੇ। ਇਸ ਰਾਹੀਂ ਅਮਰੀਕਾ ‘ਚ ਗ਼ੈਰ ਕਾਨੂੰਨੀ ਢੰਗ ਨਾਲ ਗਏ ਪਰਵਾਸੀਆਂ ਨੂੰ ਮਤਦਾਨ ਸੂਚੀ ਤੋਂ ਬਾਹਰ ਕਰਨ ਦਾ ਪ੍ਰਬੰਧ ਕੀਤਾ ਗਿਆ ਹੈ। ਰਾਸ਼ਟਰਪਤੀ ਚੋਣਾਂ ਲਈ ਮਤਦਾਨ ਸੂਚੀ ‘ਚ ਸੋਧ ਕੀਤੀ ਜਾ ਰਹੀ ਹੈ।ਅਮਰੀਕਾ ਜਨਗਣਨਾ ਮਾਹਿਰਾਂ ਤੇ ਕਾਨੂੰਨ ਦੇ ਜਾਣਕਾਰਾਂ ਦਾ ਕਹਿਣਾ ਹੈ ਕਿ ਕਾਨੂੰਨ ਦੀ ਨਜ਼ਰ ‘ਚ ਇਹ ਕਾਰਵਾਈ ਸ਼ੱਕੀ ਹੈ। ਸਿਧਾਂਤਕ ਤੌਰ ‘ਤੇ ਇਸ ਨਾਲ ਟਰੰਪ ਦੀ ਰਿਪਬਲਿਕਨ ਪਾਰਟੀ ਨੂੰ ਲਾਭ ਹੋਵੇਗਾ ਕਿਉਂਕਿ ਇਸ ਨਾਲ ਕਈ ਸਾਰੇ ਸਿਆਹਫਾਮ ਪਰਵਾਸੀ ਜੋ ਵੋਟਰ ਸੂਚੀ ਤੋਂ ਗ਼ੈਰ ਕਾਨੂੰਨੀ ਢੰਗ ਨਾਲ ਅਮਰੀਕਾ ਆਏ ਸਨ ਉਨ੍ਹਾਂ ਨੂੰ ਹਟਾ ਦਿੱਤਾ ਜਾਵੇਗਾ। ਟਰੰਪ ਦੇ ਇਸ ਕਦਮ ਨੂੰ ਚੁਣੌਤੀ ਵੀ ਦਿੱਤੀ ਜਾ ਸਕਦੀ ਹੈ।ਸੰਵਿਧਾਨ ਦੇ ਜਾਣਕਾਰ ਤੇ ਜਾਰਜ ਟਾਉਨ ਲਾਅ ਕਾਲਜ ‘ਚ ਪ੍ਰੋਫੈਸਰ ਜੋਸ਼ੂਆ ਗੇਲਟਜਰ ਨੇ ਕਿਹਾ ਕਿ ਇਸ ਨਾਲ ਟਰੰਪ ਦਾ ਅਕਸ ਹੋਰ ਖ਼ਰਾਬ ਹੋ ਰਿਹਾ ਹੈ। ਨਿਸ਼ਚਿਤ ਰੂਪ ਨਾਲ ਇਸ ਨੂੰ ਅਦਾਲਤ ‘ਚ ਚੁਣੌਤੀ ਦਿੱਤੀ ਜਾਵੇਗੀ। ਟਰੰਪ ਨੇ ਇਸ ‘ਚ ਕਿਹਾ ਕਿ ਮੇਲ ਰਾਹੀਂ ਮਤਦਾਨ ਨਾਲ ਭ੍ਰਿਸ਼ਟ ਚੋਣਾਂ ਦਾ ਜਨਮ ਹੋਵੇਗਾ। ਹਾਲਾਂਕਿ ਮੇਲ ਰਾਹੀਂ ਮਤਦਾਨ ਅਮਰੀਕਾ ਲਈ ਨਵਾਂ ਨਹੀਂ ਹੈ। ਪਿਛਲੀਆਂ ਰਾਸ਼ਟਰਪਤੀ ਚੋਣਾਂ ‘ਚ ਵੀ ਇਸੇ ਤਰ੍ਹਾਂ ਪਈਆਂ ਸਨ।