ਸਮਾਰਟ ਫੋਨ ਨੂੰ ਲੈਕੇ ਕਿ ਬਿਆਨ ਦਿੱਤਾ ਕਪਤਾਨ ਅਮਰਿੰਦਰ ਨੇ।

ਮੁੱਖ ਮੰਤਰੀ ਨੇ ਕਿਹਾ ਕਿ ਚੀਨ ਤੋਂ ਮਾਲ ਨਾ ਆਉਣ ਕਾਰਨ ਸਮਾਰਟ ਫ਼ੋਨ ਨਹੀਂ ਦਿੱਤੇ ਜਾ ਸਕੇ, ਜਦੋਂ ਹੀ ਕਰੋਨਾ ਵਾਇਰਸ ਖਤਮ ਹੋਵੇਗਾ ਫੋਨ ਵੰਡ ਦੇਵਾਂਗੇ। ਉਧਰ ਕੈਪਟਨ ਦੇ ਬਿਆਨ ‘ਤੇ ਸ਼੍ਰੋਮਣੀ ਅਕਾਲੀ ਦਲ ਨੇ ਤੰਜ ਕਸਦਿਆਂ ਕਿਹਾ ਕਿ ਹੁਣ ਸਮਾਰਟ ਫੋਨਾਂ ਨੂੰ ਲੱਗਾ ਕਰੋਨਾ ਵਾਇਰਸ।

ਉਹਨਾਂ ਕਿਹਾ ਕਿ ‘ਨਾਮੁਰਾਦ ਬਿਮਾਰੀ ਦੀ ਲਪੇਟ ‘ਚ ਆਏ ਸਮਾਰਟ ਫੋਨਾਂ ਦਾ ਆਉਣਾ ਹੁਣ ਮੁਸ਼ਕਿਲ ਹੈ। ਇਸ ਤੋਂ ਇਲਾਵਾ ਅਕਾਲੀ ਦਲ ਨੇ ਕੈਪਟਨ ਵੱਲੋਂ ਨੌਕਰੀਆਂ ਦੇਣ ਦੇ ਦਾਅਵੇ ‘ਤੇ ਵੀ ਸਵਾਲ ਚੁੱਕੇ ਹਨ।

ਜ਼ਿਕਰਯੋਗ ਹੈ ਕਿ ਕੈਪਟਨ ਸਰਕਾਰ ਨੇ ਸੱਤਾ ‘ਚ ਆਉਣ ਤੋਂ ਪਹਿਲਾਂ ਪੰਜਾਬ ਦੇ ਨੌਜਵਾਨਾਂ ਨਾਲ ਘਰ ਘਰ ਨੌਕਰੀ ਅਤੇ ਸਮਾਰਟ ਫੋਨ ਦੇ ਵਾਅਦੇ ਤੇ ਦਾਅਵੇ ਕੀਤੇ ਸਨ, ਪਰ ਅਜੇ ਤੱਕ ਸੂਬਾ ਸਰਕਾਰ ਦੇ ਸਾਰੇ ਦਾਅਵੇ ਖੋਖਲੇ ਹੁੰਦੇ ਨਜ਼ਰ ਆ ਰਹੇ ਹਨ।