ਫਗਵਾੜਾ,08 ਜਨਵਰੀ (ਸ਼ਿਵ ਕੋੜਾ) ਪਿੰਡ ਪਲਾਹੀ ਵਿਖੇ ਗੁਰੂ ਹਰਿ ਰਾਇ ਫੁੱਟਬਾਲ ਅਕੈਡਮੀ ਪਲਾਹੀ ਵਲੋਂ ਗ੍ਰਾਮ ਪੰਚਾਇਤ ਪਲਾਹੀ ਅਤੇ ਸ਼ਹੀਦ ਭਗਤ ਸਿੰਘ ਸਪੋਰਟਸ ਕਲੱਬ (ਰਜਿ:) ਦੇ ਸਹਿਯੋਗ ਨਾਲ ਮਾਘੀ ਟੂਰਨਾਮੈਂਟ ਦੀ ਸ਼ੁਰੁਆਤ ਰਵਿੰਦਰ ਸਿੰਘ ਸੱਗੂ ਨੇ ਅਕਾਲ ਗੜ੍ਹ ਅਤੇ ਸਾਹਣੀ ਓਪਨ ਟੀਮਾਂ ਦੇ ਮੈਚ ਦਾ ਆਰੰਭ ਕਰਵਾਕੇ ਕੀਤੀ। ਮੈਚ ਦੇ ਆਰੰਭ ਤੋਂ ਪਹਿਲਾਂ ਅਰਦਾਸ ਕੀਤੀ ਗਈ ਅਤੇ ਕਿਸਾਨ ਸੰਘਰਸ਼ ਵਿੱਚ ਸ਼ਹੀਦ ਹੋਏ ਕਿਸਾਨਾਂ ਨੂੰ ਦੋ ਮਿੰਟ ਦਾ ਮੋਨ ਧਾਰਨ ਕਰਕੇ ਸ਼ਰਧਾਂਜਲੀ ਦਿੱਤੀ ਗਈ ਅਤੇ ਕਿਸਾਨ ਸੰਘਰਸ਼ ਦੀ ਜਿੱਤ ਦੀ ਕਾਮਨਾ ਕੀਤੀ ਗਈ। ਇਸ ਸਮੇਂ ਹੋਰਨਾਂ ਤੋਂ ਬਿਨ੍ਹਾਂ ਦਰਬਾਰਾ ਸਿੰਘ ਸਾਬਕਾ ਸਰਪੰਚ, ਸੁਖਵਿੰਦਰ ਸਿੰਘ ਸੱਲ ਪ੍ਰਧਾਨ, ਮਦਨ ਲਾਲ ਪੰਚ, ਮਨੋਹਰ ਸਿੰਘ ਸੱਗੂ ਪੰਚ, ਕੁਲਵਿੰਦਰ ਸਿੰਘ ਸੱਲ, ਰਵੀਪਾਲ ਪੰਚ ਪ੍ਰਧਾਨ ਗੁਰਦੁਆਰਾ ਗੁਰੂ ਰਵਿਦਾਸ ਜੀ, ਰਵਿੰਦਰ ਸਿੰਘ ਸੱਗੂ, ਸੁਰਜਨ ਸਿੰਘ ਨੰਬਰਦਾਰ, ਸੁਖਵਿੰਦਰ ਸਿੰਘ, ਮੱਖਣ ਚੰਦ, ਫੋਰਮੈਨ ਬਲਵਿੰਦਰ ਸਿੰਘ, ਗੁਰਮੁਖ ਸਿੰਘ ਡੋਲ, ਨਵਜੋਤ ਸਿੰਘ ਗਿੱਲ, ਨਿਰਮਲ ਸਿੰਘ ਨੰਬਰਦਾਰ, ਜੱਸੀ ਸੱਲ (ਜਸਪ੍ਰੀਤ ਸਿੰਘ), ਬਿੰਦਰ ਫੁੱਲ, ਜਸਬੀਰ ਸਿੰਘ ਬਸਰਾ, ਹਰਮੇਲ ਸਿੰਘ ਗਿੱਲ, ਗੁਲਾਮ ਸਰਵਰ ਸੱਬਾ, ਪੀਟਰ ਕੁਮਾਰ ਸਾਬਕਾ ਪੰਚ, ਦਲਬੀਰ ਧੀਰਾ ਖੁਰਮਪੁਰ, ਪੰਡਿਤ ਬਿੰਦਰ, ਪਿੰਦਰ ਸਿੰਘ ਪਲਾਹੀ, ਇੰਦਰਜੀਤ ਸਿੰਘ ਡੋਲ, ਹਰਨੇਕ ਨੇਕਾ, ਨਿਰਮਲ ਸਿੰਘ ਜੱਸੀ, ਮਹਿੰਦਰ ਸਿੰਘ ਡੀ.ਸੀ., ਗੁਰਮੁਖ ਸਿੰਘ ਭੁਪਾਲ, ਗੋਬਿੰਦ ਸਿੰਘ ਕੋਚ, ਮਨਜੋਤ ਸਿੰਘ ਸੱਗੂ ਆਦਿ ਹਾਜ਼ਰ ਸਨ। ਮੁੱਖ ਪ੍ਰਬੰਧਕ ਫੋਰਮੈਨ ਬਲਵਿੰਦਰ ਸਿੰਘ ਅਤੇ ਗੁਰੂ ਹਰਿ ਰਾਇ ਫੁੱਟਬਾਲ ਅਕੈਡਮੀ ਪਲਾਹੀ ਦੇ ਪ੍ਰਧਾਨ ਸੁਖਵਿੰਦਰ ਸਿੰਘ ਸੱਲ ਨੇ ਦੱਸਿਆ ਕਿ ਟੂਰਨਾਮੈਂਟ ਵਿੱਚ ਫੁੱਟਬਾਲ ਓਪਨ ਦੇ ਮੈਚ ਕਰਵਾਏ ਜਾਣਗੇ ਅਤੇ ਜੇਤੂ ਟੀਮ ਨੂੰ 10,000 ਰੁਪਏ ਨਕਦ ਅਤੇ ਟਰੌਫੀ ਅਤੇ ਦੂਜੇ ਨੰਬਰ ਤੇ ਆਉਣ ਵਾਲੀ ਟੀਮ ਨੂੰ 7,000 ਰੁਪਏ ਅਤੇ ਟਰੌਫੀ ਦਿੱਤੀ ਜਾਏਗੀ। ਇਸ ਸਮੇਂ ਪੁਰਾਣੇ ਖਿਡਾਰੀਆਂ, ਬੱਚਿਆਂ ਦੇ ਸ਼ੋਅ ਮੈਚ ਤੋਂ ਇਲਾਵਾ ਲੜਕੀਆਂ ਦਾ ਫੁਟਬਾਲ ਦਾ ਸ਼ੋਅ ਮੈਚ ਵੀ ਹੋਏਗਾ। 10 ਜਨਵਰੀ 2021 ਨੂੰ ਅੰਤਰਰਾਸ਼ਟਰੀ ਪ੍ਰਸਿੱਧੀ ਪ੍ਰਾਪਤ ਖਿਡਾਰੀਆਂ ਅਤੇ ਕੋਚਾਂ ਸਰਵ ਸ਼੍ਰੀ ਇੰਦਰ ਸਿੰਘ ਅਰਜਨ ਐਵਾਰਡੀ, ਜਗੀਰ ਸਿੰਘ ਕੋਚ, ਅਵਤਾਰ ਸਿੰਘ ਕੋਚ, ਕਸ਼ਮੀਰਾ ਸਿੰਘ ਕੋਚ ਅਤੇ ਪ੍ਰੋ: ਸੀਤਲ ਸਿੰਘ ਦਾ ਸਨਮਾਨ ਗੁਰੂ ਹਰਿ ਰਾਇ ਫੁੱਟਬਾਲ ਅਕੈਡਮੀ ਪਲਾਹੀ ਵਲੋਂ ਸਨਮਾਨ ਕੀਤਾ ਜਾਏਗਾ।